Terdonam miserunt. Qui murum civitatis rehedificare suis
propriis expensis confestim ceperunt ac ipsi per tres ebdomadas
ibi steterunt.
Postea namque aliarum duarum portarum, videlicet porte
Romane et porte Arienze, omnes equites et pedites Terdonam
iverunt; et primum in quodam die Mercurii, in quo fuit festivitas
sancti Fe[licis] Papie et que fuit quarto decimo die
ante kalendas Iunii, apud Terdonam in brolio episcopi extra
civitatem fere omnes castrametati fuerunt. Sequenti vero
die Iovis omnes equites predictarum quattuor portarum multique
etiam pedites ipsarum ivere ad Salam, ut eam caperent;
sed villani et pauci etiam equites, qui in ipso loco fuerant,
ita viriliter se defenderunt, quod nec etiam villam ipsius loci
capere potuerunt; multisque tamen utrinque vulneratis Terdonam
rediere. Alio vero die, scilicet Veneris, omnes equites
et pedites porte Ticinensis et porte Vercelline Mediolanum
redierunt, aliarum duarum portarum equitibus et peditibus
Terdone cum magno gaudio, quamvis in luctum et merorem
|
1
5
10
15
|