ut: Alii fortuna felicitatem dedit, huic virtutem industria
comparavit ;
et color iste vocatur rithmon .
15. SIMILITER CADENS
Similiter cadens dicitur cum duo vel plures
casuales dictiones similiter eisdem casibus efferuntur,
ut: Hominem laudas egentem virtutis, habundantem
felicitatis?
et vocatur omoeptoton .
16. SIMILITER DESINENS
Similiter desinens est dictionum casu carentium
consimilis terminatio, ut si dicam: Turpiter
audes facere, nequiter studes dicere .
Possunt et similes isti duo colores concurrere hoc
modo: Perditissima ratio est amorem petere, pudorem
fugere, diligere fortunam, negligere famam ;
iste color nominatur omoeteleuton .
17. ANNOMINATIO
Annominatio est cum ad idem verbum et
nomen acceditur commutatione vel additione unius littere
aut litterarum, sillabe vel sillabarum, ut ad res dissimiles
verba similia commodentur; et hoc habet
fieri multis modis:
a) per substractionem littere ut: Hic
veniit antequam Romam venit ;
b) per additionem littere, ut: Quos
iste vicit, protinus ferro vincit ;
|
|