sive interrogatio, sed dracma/e per /c/quodam genus ponderis, scilicet octava pars uncie. Sed aliis liquidis, videlicet l/r/n fere omnis mute preponuntur in eadem sillaba, ut blandus, clarus, abdomen, flavus, gladius, planus, crudus, gnarus, Ethna, brevis, creber, gratus, frater, pratum, tractus et sic de similibus. Unde dicitur : N sed subtracta tibi candor gratus adheret. Et preponuntur mute liquidis tamen omnes. Verum illa regula fallit in hoc quod /h/ et /f/ non preponuntur /n/. Item /p/ preponitur /s/, ut pseudo/psalmus/psillus. Sciendum contra quod si aliqua litterarum sequentium terminat sillabam sequens incipere debet ab eadem, scilicet /p/, ut appono, /c/, ut accedo, /t/, ut attineo, /d/, ut addo, /s/, ut assideo, /b/, ut abbas; ex quo patet quod si aliqua istarum inveniatur sola, in media dictione debet sillabicari cum sequente sillaba et non cum precedente, ut aptus, tempea, id est loca delectabilia, † tantum pluralis numeri /n/ generis et idem, et in tribus casibus : nominativo, accusativo et vocativo, lectus, dampnum, indempnis et sic de similibus. Unde dicitur: par/cite/ de/ sabba/ similem sibi iungere volunt .
38. Sed sciendum quod quidam volunt scribere more predictarum dictionum temno-is et solemnis cum /p/ quod ex toto Uguicio vetat dicens quod solemnis cum derivatis suis scribendum sit per duplex /n/ et non per /m/ et per /p/. Similiter tento-tas, frequentativum huius verbi teneo, tantum per unum /n/ scribendum est cum derivatis suis ut tentatio in quibus multum erratur. Item nota quod sicut prepositiones numquam pronunctione vel scripto separande sunt, ita dicunt quidam has litteras non separandas: /b/d/ ut ebdomada, /g/d/ ut amigdalus, /g/m/ ut agmen, /g/n/ ut magnus, /s/p/ ut spero, cuspis, /s/c/ ut luscus, /s/t/ ut asto, /s/b/ ut Tisbe, /s/m/ ut psalmo, ut scisma, /s/q/ ut tesqua, /t/p/ ut aptus, /p/s/ ut lapsus, c/t/ ut alectus; /t/n/ ut Ethna, /x/t/ ut extra, mixtus, /m/n/ ut omnis. Quidam alii de quibusdam horum contrarium dicunt. Patet ex dictis quod tres consonantes possunt precedere vocalem vel sequi, dum due sint semivocales et una muta, ut urbs. Item post vocalem possunt poni /n/t/, ut legunt.
|
|