Nicolaus de Rocca clericus: Epistolae

Pag 124


Infra responditur. Signa etc., per Nicolaum de Rocca.
Signa dedit amoris et gratie dum familiares adduxit in medium mellifluus
omelista successus, argumentis quasi probabilibus innuens illum sibi
caritate propinquum, cui fiducialiter contingentia queque privata communicat,
nec prosperitatis sue vult e communione secludere, quem ad participium
lugubris compassionis invitat. Is etenim, dum tenere vite primordia
cursusque preteriti descripsit eulogium, dum querulus, vocibus colluctationis
humane, deplorat insidias, et succrescentes ex tempore turgentis pelagi
fluctuatione procellas trenica recitatione proclamat, prius reddidit, si non
fallar, suos, audientibus mente mirabiles, quam voce miserabiles, ululatus.
Stuporis enim validi causa cepit ab invitato subrepere: cur alios ad condolendi
commercia, cur invitet ad lacrimas, qui dolorum novit causas allidere
artisque mirifice linteis lacrimosos lugentium oculos desiccare? Cur de
modica fluctuum inundatione conqueritur, qui navalis exercitii ministeriis
assuetus, ventorumque sufflantium peritie non ignarus, gubernator eximius,
imminentia quoque naufragia superavit? Cur medicinalis antidotis, pro
pudor, implorare videtur auxilium, qui sinthomata novit illico disiudicare
pronosticus et egritudinis causas et merita theoricus previdere? Si, sororis
pratice fulcimento predives et condimento circumfluus, ut nedum ad morbos
cretica consideratione curabiles, sed ad illas profecto discrasias, quas nec

Torna all'inizio