relevanda discrimina vestre pietatis intuitum convertentes, electum
nostrum, virum vite probate, virum morum insignium et conversationis
honeste, virum etiam in temporalibus et spiritualibus circumspectum, qui
longam iam circa electionis sue prosecutionem in sanctitatis vestre curia
moram traxit, pie si placet expedire, ac ipsum, cum acceleratione propitia,
in pastorem et rectorem animarum nostrarum dignemini de solita benignitatis
vestre clementia, miseranter concedere votis nostris, ut nos, qui
predictorum regis et principis profundis profecto gemitibus inextimabilia
dampna deflemus, saltem in eiusdem electi, quem propter merita sue probitatis
et votis desideramus ardentibus et anelanter appetimus, expeditione
tam votiva quam celeri respiremus, sitque nobis in ipso, per vestre propitiationis
gratiam, inter incursus varios, refugii portus; sit inter fluctus
tumidos anchora firmitatis; sit inter merores varios medicina solaminis; sit
tutamen in iurgiis, et in discensionibus, quas affert secum iniquitas temporis,
sit asylum. Relevet nos in ipso, quesumus, pater sancte, relevet, si
placet, potestatis vestre pontificalis auctoritas, ut quos in duobus reliquis
fortune durioris asperitas aggravavit habundantia super hoc vestre sublevet
pietatis. Sanet in hoc uno, cum possit, opifica manus vestra corda
gementium, quos ictus triplicis dire nimis sauciavit eventus. Moveat insuper,
obsecramus, clementissime domine, circa nos in tantis periculis constitutos,
moveat pietas mentem vestram, et sic multiplicata desolationis
nostre suspiria consoletur, ne nos in huius mundi pelago sine remige fluctuantes
procella tempestatis arripiat aut fluctus absorbeat, seu in eternam
predam – quod avertat – pirata crudelis adducat, ne nos etiam peculiarem
populum et oves pascue eius confexoris almi incliti patris nostri beatissimi
Benedicti, sine ducatu pastoris diutius oberrantes humani generis insidiator
invadat, aut effracto eius – quod absit – ovili, nos gregem suum
dispergat, aut laniet lupus rapax. Ut autem super predictis nostri desiderii
plenius intensitas patefiat … concives, nuntios, syndicos et ambassatores
nostros, ad sanctitatis vestre personam, deliberato consilio, providimus
transmittendos, humiliter supplicantes, ut eisdem super premissis
petitionibus et desolationibus exponendis, dignemini, si placet, aures
|
|