iratus suis hominibus iussit, ut eumdem episcopum sub omni asperita-
te constringerent, eumque eius examini seruarent. Quem dum fero-
ces Gothi, ministri scilicet crudelitatis illius, tenuissent, circumdantes
eum uno in loco stare preceperunt, eique in terra circulum designaue-
runt, extra quem pedem tendere nullo modo auderet. Cumque uir
Dei in sole nimio intraret, ab eisdem Gothis circumdatus, et designa-
tione circuli inclusus, repente corruscus et tonitrua factus est magnus,
et tanta uis pluuiae erupit, ut hi, qui eum custodiendum acceperant,
immensitatem pluuiae ferre non possent. Et dum magna nimis
inundatio fieret, intra eamdem designationem circuli, in qua uir Do-
mini Fulgentius stetit, ne una quidem pluuiae gutta descendit
Quod dum regi crudelissimo nuntiatum fuisset, illa mens effe-
ra ad magnam eius reuerentiam uersa est, cuius penam prius insatia-
bili furore sitiebat. Sic omnipotens Deus contra elatas carnalium
mentes potentiae suae miracula per despectos operatur, ut qui superbe
extra precepta ueritatis se eleuant, eorum ceruicem ueritas per humiles
premat.
Beatissimus Fulgentius, nobilis genere, sed nobilior fi-
de, uirtute robustus, sanctitate perfectus, lingua quidem
promptus, sed operibus promptior, largus amicis, sed largior
pro Deo inimicis, Vtriculensem Ecclesiam presidebat. Qui
postquam mundanis se inretitum illecebris cognouit, maluit
Deum sequi, quam mundana retinere et celestia amittere.
Hic Petri principis apostolorum in aula sub diaconatus gra-
du consecratus permansit. Vnde una clero cum populo uo-
lente, Vtriculensis episcopatus infulam suscepit.
Existente autem uiro Dei suo in episcopatu, apparuit ei
mirae pulcritudinis iuuenis elegans, qui seruo Dei orationibus
|
|