quod ipse Christus similiter omnibus appropinquare
videtur proprietate naturae; et omnibus praebuit beneficium,
pro omnibus passionem suscipiens.
4. LANFR. Unus enim Deus . Ad hoc respondet quod
dixit singulariter: Salvatore nostro Deo, vult omnes
salvos fieri , quia unus Deus omnium, et unus Mediator
est causa. Vel ab effectu probat: Vult omnes
salvos fieri , quia seipsum dedit redemptionem pro
omnibus.
5. Testimonium . Testimonium vocat quae de
Christo praedixerunt prophetae vel quod de seipso
Christus protulit, videlicet quando passurus, resurrecturus,
etc., congruis temporibus reipsa et eventu
confirmatum est.
6. AMBROS. In omni loco . Ordo: in omni loco
extollentes sanctas manus, in quo orant.
7. Sine ira . Quod dixit sine ira , hoc est neminem
odientes. Quod dixit sine disceptatione id est, ut
fideli mente non dubitent accipere quod postulant;
et ex altero charitatem erga proximum, et ex altero
erga Deum commendat.
8. LANFR. Mulier in silentio . Mulier in silentio
discere jubetur, quia, dum loquitur, magis ad luxuriam
irritat et irritatur.
9. AMBROS. Docere autem . Necessaria erat illo
tempore haec praeceptio, quando prophetissae erant.
10. LANFR. Neque dominari in virum . Mulier non
debet dominari, indignior enim est homine ut Eva,
posterius enim quam Adam formata est, quia ille
prius. Item quia indignior est, nam seducta est, quae
per partem damnata, per partem liberabitur. Dicitur
Adam non esse principaliter seductus, sed
amore mulieris, sicut Salomon et alii multi.
11. AUGUST. (lib. XIV De civit. Dei , cap. 11, t. V).
Adam non est seductus . Sicut enim Aaron erranti
ad idolum fabrificandum non consentit inductus, sed
cessit obstrictus nec Salomonem credibile est errore
|
|