Nunc ad epistolam revertamur.
Dici non potest, dilectissime fili, Romanorum maxime
princeps, hostium subiugator, humilium sublevator, inclite
triumphator, iustitie cultor, pravitatis depopulator, pacis amator,
quanto gaudio cor tripudiat, quanta letitia mens iubilat,
cum nostris auribus a compluribus refertur te per tramitem
iustitie incedentem calumnias pravorum hominum extra regni
tui limitem depellere et ecclesie Dei statum ubique insudanter
erigere. Hoc, quod regnum tuum corroborat, hoc exaltat; hoc,
quod, quocumque te verteris, reddit victorem, hoc est, quod
te facit rebellium subiugatorem. Age itaque, venerabilis princeps,
bonum inceptum ad meliorem ducas effectum. Non enim ,
ut ait Salvator, qui cepit, sed qui perseveraverit in bono ,
salvabitur . Bonorum regum tibi iugis sit recordatio, malorum
|
|