quanta sit iniquitas quae per semetipsum exercebat
[ f ., exercebit], ostendebat. Et est probatio quod revelandus
sit.
12. AMBROS. Tantum ut qui tenet , hoc est, ubi
diffinitio Dei, quae ejus prohibet adventum, cessabit,
tunc ille apparebit.
13. LANFR. Ut qui tenet . Romanum designat imperium,
quo destructo veniet Antichristus. Hoc est
enim quod dicit: tantummodo hoc restat ut Romanus
imperator, qui tenet hunc mundum, teneat donec de
medio fiat, id est, penitus auferatur; de medio enim
fieri, est de communi hominum aspectu auferri.
14. AUGUST. ( ibid .). Ut qui tenet . Illud tamen quod
Apostolus dicit, tantum quomodo tenet, teneat donec
de medio fiat, id est, de medio tollatur; et tunc
revelabitur iniquus, per quem significari Antichristum
nullus ambigit.
15. AMBROS. Quem Dominus Jesus . Subito de coelo
apparens Christus, et solummodo clamans, cessare
faciet ab opere totum illum expendens hoc dicit:
Spiritu oris .
16. LANFRANCUS. Illustratione , id est, claritate, quae
tanta erit ut visa ea moriatur.
17. Prodigiis mendacibus . Mendacia vocat, prodigia
Antichristi, vel quia non erit quod apparebit, vel
quia perituris mendacia suadebunt.
18. Pro vobis fratres . Pro vobis, subaudis instruendis,
ut et vos pro collatis beneficiis, similiter gratias
referatis; vel quia et vos vocati estis, ut paulo post
dicitur.
19. In acquisitionem , id est, ut vos essetis ei acquisitio,
in qua Dominus Jesus Christus glorificetur,
ut et vos acquiratis gloriam quam Dominus Jesus
Christus habet.
|
|