18. (1) QUOMODO MINORES SCRIBANT DOMINIS.
(2) Si vero comes vel secularis persona scripserit regi vel imperatori eum 'serenissimum' appellabit et 'salutem et fidele servitium' sibi mittit vel 'promptum et perpetuum famulatum'.
(3) Si vero sacerdos scripserit sacerdoti vocat eum 'carissimum fratrem' vel 'amicum precipuum', posito loci nomine et ecclesie sue et mittit ei 'salutem et amorem' vel aliud acceptabile.
(4) Si vero quis scripserit capellano vel alii clerico sub se posito vocat eum 'suum dilectum capellanum' vel clericum vel canonicum et decet ut quandoque nominet eum 'fratrem'.
19. (1) QUOMODO PARES INTER SE IN MINORI STATU.
(2) Amicus amico dicit 'dilecto suo' vel 'carissimo amico' vel 'amicorum precipuo cum plenitudine dilectionis salutem'. (3) Hoc autem dico: positis reliquis circumstantiis que conveniunt meritis personarum.
Scolari dicendum est: 'Salutem et scientiam consequi quam affectat'. (4) Pater mittit dilecto filio: 'Salutem et benedictionem'. Filius autem mittit: 'Patri et domino reverendo cum subiectione salutem'. (5) Sed pater filio indignatus mittit ei 'salutem quam meruit' vel 'cito discedere ab erratis'. Filius autem