in hac vita. Sic alibi: Tunc cognoscam, sicut et cognitus
sum.
22. AMBROS. In quo comprehensus . De coelo illi
apparuit Christus, et suam gloriam ostendit; hoc
dixit: Omnia facio ut illa assequar in quibus Christum
esse perspexi, quando persequentem sua revelatione
in suam cognitionem me convertit.
23. AUGUST. ( Ibid .) Unum autem . Hoc me non
arbitror apprehendisse.
24. ( Ibid .) Unum . Multa habeo, et unum nondum
apprehendi. Unam petii a Domino, hanc requiram .
Quid petisti? Ut habitem in domo Domini per omnes
dies vitae meae .
25. LANFR. Unum autem . Unum, inquit, de me
possum confidenter asserere; terrenas namque substantias,
quas propter Deum reliqui, penitus obliviscens,
ad aeterna, quae temporalibus potiora sunt,
tota intentione me extendens, festino ad destinatum,
id est, ad id quod me festinaturum mente proposui,
videlicet ad bravium, id est, praemium supernae
vocationis, id est, vitae aeternae, ad quam vocat nos
Deus.
26. AUGUST. ( Ibid ., c. 15.) Quicunque ergo perfecti .
Dixerat: non sum perfectus, et dicit quotquot
perfecti hoc sapiamus; ego me non arbitror apprehendisse,
non quia jam acceperim aut jam perfectus
sim, et dicit quotquot perfecti hoc sapiamus,
perfecti et non perfecti. Perfecti viatores nondum
perfecti possessores.
27. LANFR. Et si quid , id est, si perfectam Christi
cognitionem vos habere putatis, et hoc, id est, male
vos sapere, vobis per misericordiam suam revelabit
Deus.
28. AUGUST. ( Ibid .) Verumtamen . Sive quo pervenimus,
in eo ambulemus, sicut dicit Apostolus,
non solum quod nescimus et scire debemus,
sed etiam si quid aliter sapimus, id quoque nobis
revelabit.
29. LANFR. Pervenimus . Quasi diceret: quod de
Christo sapimus, firmiter teneamus, et opere
compleamus.
|
|