.
6. O lamma sabactani, Hely, quid fecisti?
Luminare maximum tu cur extinxisti,
Et fontem grammatice vivum destruxisti ?
Cur tam cito, Domine, solem abstulisti? .
.
7. Phebus inter sidera nunc est obscuratus,
Leo inter bestias nunc est superatus,
Inter aves aquila perdidit volatus:
Immo supra sidera est doctor prelatus. .
.
8. Magdalena lacrimans, Petre preelecte,
Iacob, [[et]] Rachel, plangite, gens unius secte,
O Ioseph, o Ionatha. Ambrosi dilecte,
Pro te dolens conqueror et lamentor recte. .
.
9. Nostri vera capitis decidit corona,
Immo mundi corruit miranda persona,
Que prebebat omnibus tot et tanta dona,
Ex omni scientia quod undabat dona. .
.
10. Dolens pro Ambrosio plorat Priscianus,
Donatus, Virgilius, Prosper et Lucanus,
Cato et Boetius Statius, Alanus,
Seneca, Ovidius, Plato, Claudianus. .