expugnare non potuit. Hic autem cum esset comes et iuuenis Albyriam filiam regis Hispanie
duxit uxorem ex qua plures liberos habuit, Roggerium quem Apulie ducem instituit, Tancredum
quem Tarenti principem fecit, Anfusium quem Capue principem ordinauit, Willelmum
et Henricum. Habuit etiam de predicta uxore filiam unam.
Interea Innocentius papa in Francia aliquantulum demoratus Alamanniam uenit et ab
imperatore Lothario et ab uniuersis principibus eius cum summa est gloria et deuotione susceptus.
Imperator autem tum predicti pape suggestione et ammonitione continua, tum
exulum Apulie precibus et miseratione commotus cum magno esercitu Italiam intrauit et
per partes Ancone simul cum papa Innocentio in Apuliam uenit, Robbertum uero Capuanum
principem cum comite Raydulfo et aliis exulibus et quadam parte sui exercitus Terram Laboris
intrare iussit, galeas etiam Pisanorum in eorum auxilio uenire precepit. Imperator autem
totam Apuliam, resistente sibi nemine, occupauit. Rex uero Roggerius cognoscens quod
imperatori resistere non ualeret, eo quod barones eius et ciuitates pro maiori parte recesserant
ab ipso, ciuitates et castra sua fortia premuniuit; ipse uero cum exercitu suo una dieta
aut multum duabus post imperatorem ueniens ciuitates et castella que imperator ceperat
expugnabat et frequentes nuntios in exercitun imperatoris mittens, principes eius promissionibus
et muneribus ad suum amorem et gratiam attrahebat. Capuanus uero princeps cum
comite Raydulfo Terram Laboris ingressus, eam et ducatum Amalfie potenter obtinuit et cum
magno exercitu militum et galeis Pisanorum Salernum ueniens eam obsedit. Salernitani autem
ciues qui de antiquo suis dominis fideles extiterant, in fidelitate solita firmiter, perdurantes
eis uiriliter restiterunt. Erat tunc Salerni Robertus regis Roggerii cancellarius cum
|
|