centenos simul accubitus et diversas dapes libans convivia redundat.
His sublatis alie referuntur edende, (v. 298)
et pigmentatus crateres Bachus adornat. (v. 301)
Vualtharius cunctos ad vinum ortatur et escam. (v. 303)
Postquam depulsa fames fuerat atque sublata mensa, Vualtharius
iam dictus, dominum letanter adorsus, dixit: «In hoc rogito
gratias vestra ut clarescat in primis atque vos reliquos lętificetis».
Qui simul in verbo nappam dedit arte peractam, gestam referentem
priorum ordinem sculture ipsius, quam rex accipiens
uno austu vacuaverat et confestim iubet reliquos omnes tali bibitione
imitari. Tunc citissime accurrunt pincerne, atque recurrunt.
Pocula plena dabant et inania suscipiaebant. (v. 313)
Ebrietas fervens tota dominatur aula.
Balbutit madido facundia fusa palato. (vv. 315-16)
Seniores fortes videres plantis titubare.
Taliter in seram produxit bacchica noctem. (v. 318)
Nam ire volentes Vualtharium munere retraxit, donec pressi
somno potusque gravati per porticibus sternuntur humotinus
omnes passim. Eciam si tota civitas igne fuisse succensa et ipse
flamivoma super ipsos crassari videretur, scilicet minitans mortem,
nullus remansit qui scire potuisset causam.
Tandem dilectam vocat ad semet mulierem
precipiens causas citius deferre paratas
et ipse de stabulis duxit victorem aequorum
quem ob virtutem Leonem vocitaverat ipse.
Stat sonipes, ac frena ferox spumantia mandit. (vv. 324-28)
Postquam enim hunc caballum ligamentis solito circumdederat,
ecce scrinia plena gazę, quibus utrique suspendit lateri, atque
itinere longo modicella ponit cibaria
loraque virgineę, mandat fluitantia dextrę.
Ipseque vestitus lorica more gygantis (vv. 332-33)
atque
capiti inposuit suo rubras cum casside cristas, (v. 334)
ingentesque conplectitur aureis ocreis,
et levum femur ancipiti precinxerat hensę
atque alio dextrum pro ritu Pannoniatum.