XXIII. [Pugillus] - Cum maris unda tumet, tanti vacat unda pugilli
Pro stacione loci, tam breue nomen habet:
Est iter obliquum paruam quod ducit ad undam;
Vix hominum septem creditur e[ss]e capax.
Ani tollit onus; ventrem cessare Solutum
Cogit et ydropicos attenuare potest.
Si patitur cum splene caput, cum frigore corpus
Febrierit, certam senciet eger opem.
Qui de te referam, nimis admirande pugille,
Quod proprio vidi lumine testor ego:
Aridus, usus aqua, baculis adiutus amicis,
Discessit sanus non ope vectis egens.
|
1
5
10
|