3. De valete quantum ad religiosos inter se
Valete in Domino et orate pro me. Valete in dolcedine Salvatoris.
Valete in Iesu Christo, cui me devotis oracionibus commendate.
4. De valete quantum ad nobiles
Valeat semper excellencia vestra preciosa ac tantis crescat honoribus,
quantis decet tanti dominii possessorem. Valete et valeant qui
desiderant. Valete in hilaritate continua vita et prosperitate longeva.
Valete, vestrique amici valeant, doleant, confundantur et pereant inimici.
Valete, semper vestre nobilitatis potencia ac mire faciat subiacere
rebelles.
5. De valete inter civitates
Valete, et Deus omnipotens conservare dignetur vestram civitatem
illesam ad honorem Dei et statum pacificum amicorum. Valete
semper in honore et statu, et gaudium et felicitas vos sequantur. Salvet
et confirmet vos Deus in omni tranquillitate et pace. Valeat tante
vestre fame preconium nunc et semper.
6. De valete inter consanguineos
Valeat michi vestra cara paternitas per tempora infinita. Valete
omnes, et valeant consanguinei et amici. Valeat michi semper dileccio
maternalis. Valeat michi patruorum teneritas ut paterna. Valeat et duret
in senium nexus indissolubilis maritalis. Vale at et perduret perpetuo
nostra affinitas tanta dileccione firmata.
7. Quantum ad amicos
Vivite feliciter et valete. Valeat sociorum sinceritas in visceribus
caritatis. Valete perhenniter et gaudete. Valeo, valete rogo, me et mente
tenete. Valete semper et secure precipite dum meum vobis beneplacitum
reputatis ad grata. Vale inquam, karissime, et confortare diu in
utriusque hominis sospitate.
8. Inter amantes
Ita vos die noctuque valere faciat Deus sicut vos, iniqua, facitis
me valere. Sic te valere contingat in manibus amatoris quemadmodum
ipsius animus proaffectat. Valeat amicicia tua sicut domus absque habitatore
et sicut thesaurus in abditis et suffossis. Valeat certe non aliter
tua fides quam Iude proditoris sui domini et magistri.
|
|