vobis incognitus, ut secularibus viris habetur, qui plus videndo
et operando quam audiendo vel legendo potest cognosci, obsecro
pro karitate audite consilium meum: pariter revertamur Sabinis
ad sancte Dei genitricis domine nostre Marie cenobium et ego
vos quamquam extra usum monasterii, intrinsecus recipiam ut
simul cum fratribus maneatis, simul in labore eatis et ita discatis
qualiter postinodum agere debeatis ». tunc obedientes consenserunt
eius. suavissimis verbis reversique, sunt cum eo Sabinis, ubi,
aliquantis diebus demoruti, ad bonum propositum, instituebantur.
Interea pater Tasonis et Tatonis exeuntes de Benevento cum
ceteris, parentibus suis, cursu rapidissimo, Romam petentes, eos anxie
requirebant, quos dum querererit audierunt eos esse Sabinis, pergentesque
illuc invenerant eos. tunc suppliciter prostrati obsecrabant
venerabilem Thomam abbatem ut suos filios illis ostendere
dignaretur; quibus venerandus senior vix imperare potuit ut ad
eos exirent. at ubi patres et parentes eos, viderunt, lacrimabiliter
clamare ceperunt: dicentes: « Ut quid nos peccatores tamquam
mortuos reliquistis? quibus domos, possessiones et thesauros
vestros dimisistis ? et nullus affectus, nulla vobis, cura caritatis
est pro animabus nostris? obsecramus vos et adiuramus per
Deum omnipotentem Iesum Christum filium eius, qui venit
in hunc mundum. peccatores salvos facere, ne nos despiciatis, quia
converti volumus sicut et vos cepistis, si autem contepmseritis,
nos, requirat Deus animas nostras de manibus vestris ». nam
genitor Tasonis et Tatonis, de presenti Deo teste converti promiserunt,
quod et fecerunt. denique dum, multa inter obsecrantes
et respondentes verba fuissent et ipsi Dei famuli, ut promiserant,
Gallia s pergere festinarent, venerabilis ille prudentissimus pater
Thomas aperiens os suum prophetica, ut modo cognoscimus, voce,
manifeste loquutus est, dicens : « Audite verba inea, karissimi fratres,
et fiducialiter credite, quia per vestre accionis exemplum
multi celeste ingredientur regnum ; nunc autem ego vobis ostendam
aptissimum locum, ab omnibus secularibus tumultibus: remotum;
|
|