supplicamus, consulimus, suademus, et amicitiam vestram
confortamus et obsecramus; prece supplici, humili et devota,
tota cordis affectione et animi puritate, toto affectu
hominis utriusque, puro cordis affectu, puritate animi, intentione
laudabili, omni affectione qua possumus et desiderio
puro cordis»; vel aliter: «Ad vestram gratiam venimus» vel
«currimus; vestram subventionem et iuvamen requirimus; vestre
persone consilium et auxilium inploramus, petimus, exigimus,
postulamus, iteratis precibus et multiplicatis exhortationibus,
instanter et instantius; sepe, sepius, avide, avidius, provide;
propere, continuo, prepropere, assidue, properanter, festinanter,
gratanter, letanter, secure, fiducialiter, confidenter, gaudenter»;
vel «animo letabundo, fiduciali» vel «securo, gratanti»
vel «confidenti: de cuius bonitate plenam vel securam habeo,
teneo» vel «gero fiduciam», vel «de quo indubitanter confido
et spero, titubare non valeo, ullo modo» vel «aliqua ratione»;
vel «experientia declarante, demonstrante, insinuante, quod
consuevit preces supplicantium exaudire; cuius bonitas nulla
novit repulsam; cuius liberalitas poscentibus se exhibet gratiosam;
qui paratus est semper servire et preces recipere, et effectu
prosequente complere; qui gaudet super servitiis amicorum;
qui gratulatur in laboribus et exultat in servitiis pro
amicis; cui pro multis servitiis iam receptis servire desidero
et placere»; vel «quia nobis ostendistis gratiam specialem,
vobis gratiam querere minime formidamus, non dubitamus. -
«Quare» vel «ideo vos rogamus, quatenus P. latori presentium,
nostro nuntio speciali» vel «harum portitori ad hoc serio
( sic ) destinato» vel «P. qui vobis nostras literas presentabit»
vel «nostram litterariam descriptionem apportabit» vel «cui
literas concessimus» vel «P. ad cuius postulationes vobis mittimus
scripta nostra, qui nobis est fidelis amicus, qui in nostra
est amicitia copulatus, qui iunctus est in nostrorum numero
|
|