'dilectos filios'. Sic enim salutat episcopum:
«Innocentius episcopus [servus] servorum Dei venerabili
fratri episcopo A. salutem et apostolicam benedictionem.»
3 Si vero scribit duobus, quorum unus sit episcopus et alius
canonicus, sic dicet:
«Innocentius episcopus servus servorum Dei dilectis filiis
abbati sancti Petri ville magne, priori sancti Petri de Vineis
et B. canonico Anagnino salutem et apostolicam benedictionem.»
4 Omnes episcopi, archiepiscopi, patriarche, abbates et omnes
ecclesiarum prelati, cunctique Christi fideles sic possunt salutare
dominum papam:
«Sanctissimo patri et domino Innocentio Dei gratia sacrosancte
ac universalis ecclesie: summo pontifici, B. Signinus
episcopus licet indignus obedientiam et reverentiam tam
debitam quam devotam» ; vel [sic]: «promptam et debitam
in omnibus reverentiam.»
5 Vel sic:
«Clementissimo patri et domino Innocentio Dei gratia
summo et universali pontifici, A. Ferentinas episcopus licet
immeritus promptum et debitum in omnibus famulatum.»
6 Vel sic:
«Reverentissimo patri et domino Innocentio Dei gratia
sacrosancte ac universalis ecclesie summo pontifici, P.
Signine ecclesie humilis minister se ipsum totum in omni
genere subiectionis.»
7 Vel sic:
«Amantissimo patri et domino Innocentio Dei gratia sacrosancte
ac universalis ecclesie summo pontifici, O. miseratione
divina Verulanus episcopus tam promptam quam
debitam in omnibus reverentiam.»
|
|