pręvalebunt adversus eam », credimus et omnimodis asserimus,
quoniam etiam vicariorum beati Petri apostoli institutiones
perpetuo inconvulsę debent esse et permanere, quemadmodum
beati Petri in sancta permanet Ecclesia fides. non solum autem
pontifices sed etiam omnes sanctę Ecclesię constructores, qui fidem
de domino nostro Ihesu Christo retinent pure quam idem Petrus
confessus est, sicut ipse Petrus quod ei Dominus concessit perenniter
suscepit, sic et ipsi donum perpetuę capiunt remunerationis.
Petrus enim pro omnibus respondit, et in Petro dominus Christus
omnibus fidelibus quibus sancta constat Ecclesia ęternaliter concessit.
et quicumque in Petri confessione solidatur firmissime,
in Petri quoque dono remunerabitur ęternaliter. Fundamentum
namque Ecclesię super Petri petram construitur, a cuius doctrina
nullus deviare debet, quoniam quicumque ab ea deviat, non super
ipsam petram sed super arenam ędificat. scriptum est enim:
Fundamentum aliud nemo potest ponere, pręter id quod positum
est, quod est Christus Ihesus ». quicumque vero sanctorum
catholicorum in hoc fundamentum lapidem construxerit,
idest sententiam ecclesiasticam statuerit, non potest a quoquam
subverti, quoniam supra firmissimam petram iecit. in quo fundamento
alieni petra ędificii non potest inici, quia domui Dei,
idest sanctę Ecclesię, perfidię vel pravitatis et dissensionis doctrina
non convenit. qui enim patrum autenticorum et maxime apostolicorum
bene ordinata et pro quiete concessa destruit, a patrum
dignitate excidit et non est eius audienda sententia, quia extra
Christi fundamentum et contra eius Ecclesiam iacere illum patrum
priscorum demonstrat doctrina autentica. etenim, quemadmodum
decrevit beatus papa Gregorius, sicut hoc quod ratio exigebat
utiliter optinuit definiri, ita quol definitum est non debet violari.
Interea pars Oddonis legit quoddam pręceptum domni Hludovici
imperatoris Stephano papę IIII concessum de quibusdam plurimis
locis per Italiam diverse sitis Beati Petri apostoli ecclesię
donatis. pars quoque Beatę Marię e contra eiusdem Hludovici
imperatoris huic monasterio pręceptum emissum antiquius ostendit,
|
|