DE PROMISSIONE PRETII ET LIBERATIONIS ET RESEDII
ET TERRARUM VENDITIONE.
In Dei nomine amen. Anno, die, indictione tali, f(eliciter).
Cum talis filius talis hodie in veritate recepisset
a tali liberationem et absolutionem sue persone suorumque
filiorum et descendentium, et finem servitiorum,
et cartam venditionis resedii et terrarum, quas ab
eo vel pro eo tenebat, ut coram me notario acta sunt,
et michi constet legittime de predictis, pro pretio librarum
tot pisanarum, idem I., liber et absolutus, post
liberationem et emptionem et pretii confessionem, non
obstante confessione inde facta, promisit solvere et dare
dicto I., vel eius heredibus, et cui concesserit, predictum
pretium librarum tot, tali termino vel terminis; et
promisit non probare solutionem vel aliam exceptionem
per testes; alioquin: promisit eidem dare, nomine pene,
libras tot et dampna et expensas resarcire, unde obligavit
et pingnus fecit ei bona sua presentia et futura,
constituens se pro eo possidere; que ex pacto, si non
solverit, possit ingredi, uti, frui et inde facere quod
voluerit; renumptians et cetera exceptioni non celebrati
contractus et carte, et possessionis rerum non recepte,
et fori privilegio, et omni legum auxilio et exceptioni
speciali et generali et cetera, ut supra de uxore, si contingerit
vel si consenserit, et de fideiussore, si fideiussorem
dederit pro solvendo pretio supradicto.
DE LIBERTATE FACTA ALICUI SERVO A DOMINO SUO.
Humane a primordio dispositio creature lib[er]i arbitrii
pote(n)s est effecta vol(unt)ar(i)e. Bellica tamen
exorta calamitate gentium; que secuta, captivitate propria
capti, defraudati sunt libertate, vere, ut quod bellorum
obduxit iniquitas, huius inperialis detegit sanctitas;
iuris civilis auxilio celebrata est manumissio. Ideoque
quidem dominus G., pro Dei timore et remedio
anime sue suorumque parentum, nec non et pretio librarum
|
|