a singulis imperatoribus et principibus precepta emissa abuisset de
quanta et quali dominacione de eodem monasterio Sancte Marie,
a parte palacii, habere debuisset. Post hec sacramenta data, nos
qui supra Lodoicus castaldeus et iudice definienda iudicavi, coram
supradictis nobilioribus viris, quorum nomina superius dicta sunt,
qui mecum pariter in hac definicione interfuerunt, ut amodo et
deinceps iuris prefati monasterii Sancti Vincencii, eiusque rectores,
eundem monasterium Sancte Marie, cum omnibus suis pertinenciis,
in sua dominacione habere et possidere securiter, sine requisicione
a pars palacii et de aliis omnibus hominibus valeant iure
quieto in perpetuum.|
OPTINUIT quoque predictus abbas Maio precepta pro reconciliacione
monasterii, et recuperacione possessionum, sive prediorum,
a principibus, videlicet Adelchis, et Radelchis, Ageltrude
imperatricis, Georgii patricii et Constantini [.....]. preceptum
quoque oblacionis, et confirmacionis de ecclesia Sancti Vincencii in
Neapolim, via Furcillense. horum omnium textus ita habentur.
IN nomine domini nostri Iesu Christi. Nos vir gloriosissimus
Adelchis, Dei providencia Longobardorum gentis princeps, dum
quadam die residentes nos in hoc Beneventano sacratissimo palacio,
tunc direxit Maio reverentissimus et sanctissimus abbas,
et rector monasterii Beati Vincencii Adelchisum diaconem, et Magelfridum
|
|