Ab Heinricis, quos timebant infernales lamię,
Sunt erecta dei templa regnis Alemanię.
Per hec templa sunt in pace regum sanctę animę.
His exemplis eruditus cesar invictissimus
Templa struit, clerum nutrit ut pater piissimus;
Reddat ei dignas vices inspector altissimus.
Non tamen debet augustus semper templa struere,
Sed minantibus ruinam clementer occurrere;
In miseria conlapsis precipiat surgere.
In penurię ruina Laurentius volvitur;
Si per te, cesar auguste, a pressura tollitur,
Omnis nexus, qui te stringit, per levitam solvitur.
CESAR, HONOR REGUM, CESAR, DISCRETIO LEGUM,
TE ROGO PER CHRISTUM, LEGE LIBRUM FUNDITUS ISTUM,
QUEM TIBI SERVUS EGO FERO CURVUS CORPORE BENZO.
|
|