Nuper, dum lingue mee gladium, de vagina silentii, ubi nedum
immiserat, sed etiam fabricarat oblivio, ad certamen dictaminis quedam
causa necessitatis excuteret, inventus est tam solida rubigine coopertus,
tantisque tinee morsibus ulceratus, quod, nisi ad extersionem eius lime
vestre laboraret asperitas et remigio gratioso nostre ratis officia subsequerentur,
ad palestram dictaminis iam reperitur inutilis, dum, turbata
iam cuspide et eius acie, impedimentis quodammodo carceralibus impedita,
dimicatione eius obscura nec hostili timeatur incuria, nec cautela
tenentibus promittatur. Presentem itaque gladium et informem de vestri
gratia postulatum benigne, queso, suscipite, ipsum, ex predictis causis
|
|