11. Erit quod omni seculo mirabile,
hodie quia uobis Christus dominus
natus est Bethleem Dauidis in oppido,
saluator mundi.
12. Hoc uobis signum erit: in presepio
infantem pannis inuolutum positum
inuenietis cum Maria pariter
matre beata.”
13. Subito facta fulgentis milicie
est multitudo caelestis exercitus
eodem simul angelo cum flammeo
ualde preclara.
14. Gloria deo in excelsis sydera
plena sonabant, pax et in hominibus
auditur bone uoluntatis uocibus
in terra sanctis.
15. Pastores namque loquebantur inuicem:
“Eamus usque Bethleem celeriter,
et uideamus hoc de uerbo qualiter
angelus dixit.”
16. Venerunt ergo, inuenerunt puerum,
angelus sicut dixit, in presepio
positum, sanctam genetricem uirginem,
Ioseph praesente.
17. In caelo stella nouo clara radio
refulsit, ante que numquam resplenduit,
clarior cunctis astris, mundo nunciat
gaudium magnum.
|
|