obtinere valeat robur, eam nostrae manus
adnotatione solemniter insignivimus, nostraeque
Bullae plumbeae impressione subter confirmari
jussimus.
Signum manus Domini Luodvici
Serenissimi Imperatoris. Etulbertus
Presbyter, et Notarius scripsi, et subscripsi.
Datum tertio Idus Octobris, Indictione
octava. Actum Olonna Curte Imperiali
anno Imperii Domini Ludovici Sanctissimi Imperatoris
vigesimo quinto, Deo propitio
feliciter, Amen. Anno Dominicae Incarnationis
DCCCLXXV. Indictione VIII.
876.
Praeterea Dominicae Incarnationis anno octingentesimo
septuagesimo sexto Dominus Romanus
Pater venerandus, emptionibus a quodam
Rimefredo conquisivit in Ragiano suprascripta
villa, terras, et vineas, et omnes res, et substantjam
ejus.
Eodem ibidem anno venit Mauricius Castaldio
jubente Domno Ludovico Imperatore, et
mense januario, vigesima secunda die mensis,
investivit solemniter Domnum Romanum Abbatem
de omnibus rebus mobilibus, et immobilibus
Sisenandi Salegi, tam in Tete, quam
in Pinne. Primo videlicet de Curte Ambrilia
quae postea farum Ambrilie vocabulum accepit,
et de Curte de Neriano, et Martiano, et
Obetiano, et Sclavis. Quae possessio terminatur
a flumine Piscariensi usque ad flumenTritanum,
et usque ad Furcas, et montem de
Cannatino, et rivum de Cigno, sicut tradidit
chartula ipsius investiturae pluribus et idoneis
testibus roborata.
Eo tempore Rimo, filius quondam Aderisi,
de genere Alemannorum, obtulit filium suum
nomine Leonem Monasterio Sancti Clementis
suscepturum vitam Monasticam tradiditque.
Romano Primo Abbati ad partem ejusdem
Coenobii omnes res et substantjam suam, quam
in villa de Ragiano possidebat, videlicet possessiones
largissimas. Altercationem insuper
habuit Romanus Abbas cum Ildebrando Franco,
Garifusi filio, de Curte Perano vocabulo,
et omnibus rebus quae fuerunt Camarotii et
Aldegontii, et Agisendae coniugis ejusdem Camarotii,
verum in ipsis diebus apud civitatem
Teatinam, cui Theodericus Venerabilis Episcopus
praesidebat, a quodam viro nomine
Fratello, Supponis Comicis Vicario, Curia
celebrata, ibique querela deposita, excellenter
idem Abbas ipsas res et Curtem de Perano,
quae ultra flumen est de Sangro, perobtinuit.
Defuncto itaque piae semperque celebrandae
memoria Ludovico Augusto, testamento post
eum Censobrinus ejus Carlomannus Rex, Ludovici
Regis filius, regnum Italicum obtinuit.
Quo audito Romanus Abbas deposito ingenti
fletu aque tristitia, quam habeat de morte
ipsius sui Coenobii constructoris, statim
direxit ad eum Domnum Celsum Praepositum
cum augustalibus praeceptis, ut omne bonum,
quod de Piscariense Monasterio antecessor
ejus ipsae beatae recordationis Ludovicus
Imperator effecerat, ipse Rex ratum haberet,
et omnimodo confirmaret, suoque novo regio
praecepto corroboraret. Illo autem abeuente
Romanus Abbas interim regimini ac profectibus
sui Coenobii validius insistebat. Vir potens
et locuples suprascriptus Rimo largitus
est pro anima sua domos, agros, vineas, et
omnia quae habebat de Casale suprascripto Bectorrita,
|
|