et eclipsati iuris qualitas sue discretionis industria supplementa
sentiret; qui, velut novus legifer Moyses, de monte Synai legum
copiam concessam sibi celitus hominibus reportavit, ut, quorum
noxius appetitus per lustra devia oberrarat, ad iustitie fabricam,
qua imposita quelibet decoquntur, eius luce previa dirigatur. Hic
est siquidem alter Ioseph, cui, tamquam fidelis interpres eius,
studio magnus ubique Cesar, de cuius potentia sol et luna mirantur, circularis
orbis retia gubernanda commisit: qui tamquam Imperii claviger
claudit, et nemo aperit, aperit, et nemo claudit; cuius eloquentie
tuba dulcisonans, orationis voce melliflue audientium corda demulcet,
utpote cui quicquid erat sub pallio solis absconditum, preter
clausi libri septem signacula, divinus intuitus revelavit. Ipse est
enim Petrus fundatus in petra, ut ceteros fidei stabilitate fundaret et,
|
|