Petri Cantinelli: Chronicon

12


Millesimo ducentesimo septuagesimo quarto, indictione secunda. Dominus Guilielmus de
Posterla de Mediolano fuit potestas Bononie, dominus Marchus Iustinianus de Veneciis fuit
capitaneus populi. Hoc anno fuerunt magni rumores et prelia inter partes civitatis Bononie,
et expulsa fuit pars Lanbertaciorum extra Bononiam; et, postea, predicti potestas et capitaneus
expulsi fuerunt de regimine ipsorum, et soluti de eorum salario integre, et electus fuit potestas
dominus Rolandus Putacius de Parma, et conplevit regimen anni illius.
Millesimo ducentesimo septuagesimo quinto, indictione tercia. Dominus Nicholittus de
Hesio fuit potestas Bononie; dominus Malatesta de Veruclo de Arimino fuit capitaneus populi.
Millesimo ducentesimo septuagesimo sexto, indictione quarta. Dominus Riçardus de Belvaxe
de Francia fuit potestas Bononie, quem dedit eis dominus rex Karolus, qui potestas in
ipso regimine obiit, et electi sunt, in illo millesimo, dominus Rolandus de Lasenaça de Parma
potestas, dominus Garxindoneus de Luvixinis de Regio capitaneus populi. Hoc anno fuit
mortuus Bonfantinus de Baxacomatre, in strata publica strate sancti Stephani, de die, et hoc
fieri fecit Thomaxius de Becadellis, et de hoc multum damnum substinuit a comuni Bononie,
eo quod ipse Bonfantinus erat in banno comunis pro maleficio.
Item, hoc anno quatuor pape mortui sunt, duo divino iudicio, et alii duo veneno eis dato.
Item, eo anno mortuus fuit dominus Caçanimicus filius domini Alberti de Caçanimicis,
veniendo a Feraria.
Anno eodem, de mense maii, honorabilis comes dominus Ursus de Mangone capitaneus partis
Lanbertaciorum Faventie commorancium, cum Bononiensibus et Imolensibus et Faventinis
intrinsecis, equitavit versus Imolam subtus stratam, usque ad Selexem, prope Imolam per
duo milliaria; et sic occurrerunt quidam milites illorum de Imola, qui equitaverant versus
Sanctam Agatham, et fecerant magnam predam, cum qua gaudentes Imolam veniebant,
propter quod eorum gaudium conversum est in tristiciam et dolorem; nam, visis illis, qui a
civitate Faventie venerant, statim predam eorum relinquentes, volentes se defendere, nequiverunt,
sed sconfitti et mortui fuerunt ibidem in pratis, ubi dicitur Taviani, scilicet LX mortui,
et XXV capti et conducti Faventiam; boves autem et predam totam et equos eorum reliquerunt,
ipsos Favenciam conducentes.
Millesimo ducentesimo septuagesimo septimo, indictione quinta. Dominus Rolandus de Lasenaça
de Parma fuit potestas Bononie, dominus Garxindoneus de Luvixinis de Regio capitaneus
populi.

Torna all'inizio