Tu pater videns militem armis fìdei divitem;
Decet, ut verbis liquidis aurem pulses principis,
Huic quo reddat premium post tam longum prelium.
Talionem qui viderit, ad pugnam mox redierit,
Frontem monstrabit frontibus factus hostis hostibus,
Aquilas trudet aquilis in belli spectaculis.
Tu, qui crucis signaculum baiulas contra Zabulum,
Dum mea laudas vulnera, tua quęris munera;
Cum agonistam predicas, temet ipsum dedicas.
CAP. XXXVI.
HYPOREIENSI EPISCOPO.
DESOLATUR omne regnum vadens post divortium.
Viles fiunt sequestratę legiones fortium;
Heresis latenter fodit scrobes mille mortium.
Unus dicit: „Ego Pauli sum“, alter „Apollinis“,
Tercius Cephe se iactat celsioris nominis.
Sic dividere conantur Christum deum dominis.
Buzi quidam, sacerdotis proles putidissima,
Novos facit Buzianos seminando scismata,
Contradicit consecrandis divina karismata.