taxandam, ut nullus exinde rationabiliter
conqueratur, quam recollectam et dispensatoribus
in opere ejusdem pontis facias assignari,
in pontis ipsius complemento utiliter
convertendam etc.
Cap. VIII.
Eidem, ut non diruat domos proditorum, eo
quod infert damnum fidelibus.
Sic consuevit aliquando transgressio puniri
nocentium, ut poenae rigiditas, cujus
relaxatio viam delinquentibus aperit, innoxiorum
modestiam propulset interdum:
cum nonnunquam malorum peccata, justos
impediant et virtutes pro vitiis saepe crimina
ferant. Sed in nostrae deliberationis examine,
ubi justitia reperiri non novit injuriam,
sic peccantium puniri desideramus excessus, ut
fidelium innocentia non prematur, sed misericordia
rigori praeponderet, et praeferatur benignitas
ultioni. Eapropter cum domos P.
expulsi de regno ob ipsius evidentes
excessus, et manifestas offensas dirui justitia
nostra mandaverit: ac ex ipsarum dirutione
domorum domus fidelis nostri, qui praedicti
P. factiones abominans, semper fidei nostrae
cultum, prout novimus ex plurium relatione,