Petri Cantinelli: Chronicon

77


in suo testamento reliquit, in auxilium passagii, pro Terra Sancta recuperanda, in ultramarinis
partibus, quinquaginta millia florinos auri, quos ipse archiepiscopus deposuerat penes mercatores,
in civitate Ianue.
Item, eodem anno, die XIII mensis decenbris festivitatis sancte Lucie virginis, suprascriptus
dominus papa Celestinus renuntiavit papatui et rediit ad cellam suam, in qua primo
agebat penitentiam.
Item, eo anno, die veneris XXIV dicti mensis decenbris, electus fuit papa dominus Benedictus
Gaitanus cardinalis, et vocatus est dominus papa Bonifacius octavus, qui fuit coronatus
in urbe romana, die dominico XXIII mensis ianuarii, anno Domini millesimo ducentesimo
nonagesimo quinto, indictione octava.
Item, eodem anno, die.… predictus dominus Robertus comes separavit se de provincia
Romaniole, et recessit, pro eo quod alius comes electus fuit per dominum papam Bonifacium.
Item, eodem anno, in kalendis marcii, dominus Rossus de la Tosa fuit potestas civitatis
Faventie, pro sex mensibus, usque ad kalendas septenbris.
Item, eo anno, die decimo mensis aprelis, intravit provinciam Romaniole dominus Petrus
archiepiscopus Montis Regalis comes generalis provincie Romaniole, et venit in castrum Tauxignani
comitatus Imole.
Item, die mercurii XIV aprelis, venit Imolam.
Item, die sabati XVII aprelis, dominus Maghinardus capitaneus Faventie equitavit Imolam
ad mandatum dicti domini comitis, et, cum fuit coram eo, idem dominus comes mandavit
eidem quod deberet renuntiare dicte capitanarie, et in continenti renuntiavit, et, in reditu
suo, ivit ad canonicam sancti Petri, ubi stetit pluribus diebus.
Item, eo anno, die dominico XXIV mensis aprelis, dictus dominus comes fecit, in civitate
Imole, parlamentum generale, in quo fuerunt septem episcopi provincie et anbaxiatores et
sindici comitatum et nobilium provincie Romaniole; et, in ipso parlamento, concessum fuit
liberum arbitrium dicto domino comiti accipiendi et tenendi stipendiarios, pedes et eques, ad
suam voluntatem, tam circa quantitatem et numerum ipsorum, quam circa salarium eorum, et
distributionem faciendam inter provinciales. Qui dominus comes accepit trecentum equites
et centum pedites, et inposuit comuni Faventie talliam ipsorum, videlicet quibuslibet quatuor
mensibus mille quatuor centum libras ravennates, et, pro fidelibus Fantullinorum, tercentum
libras ravennates.
Item, eodem anno, die dominico octavo mensis maii, suprascriptus dominus Petrus comes
Romaniole exivit civitatem Imole, post nonam, et venit Faventiam, ubi, cum maximo honore,
fuit receptus.
Et, occasione adventus ipsius domini comitis, multi barones et comites et magni viri
venerunt ad civitatem Faventie, videlicet dominus comes Bandinus de Mutilliana, dominus comes
Manfredus filius olim domini comitis Guidonis Novelli, Fulcerius et Franciscus de Calbolo
et multi alii.
Deinde, inimico humani generis insuflante gizaniam inter dominum Maghinardum de
Sosenana et suos amicos de Faventia, ex una parte, et dominos comites de Cunio ex altera
cum eorum sequacibus, et cum eis tenebat predictus comes Manfredus; contigit quod predicti
comites de Cunio, videlicet Rainerius, Bandeçatus et Bernardinus, cum eorum sequacibus,
die mercurii XI mensis maii, coram supradicto domino comite Romaniole, petierunt palam
quod fovee civitatis Faventie spanarentur et stecate ipsius et fortilitie vastarentur; propter
quod fuit orta magna turbacio inter eos et dominum Maghinardum et suos amicos. Et ideo
predictus dominus comes Romaniole mandavit et inposuit confinia utrique parti, ut, die iovis
XII maii predicti, quelibet iret ad confinia, ubique vellet, longe a civitate Faventie per X milliaria,

Torna all'inizio