ex parte perspiciantur, nec ullam ex his nocuitatem
sustinebimus; licet videantur multi actus nostri
a multis ignorari.
26. AUGUST. (lib. II De serm. Dom. in monte ,
cap. 18). Quorumdam hominum , manifesta ea dicit,
de quibus clarum est quo animo fiant; haec praecedunt
ad judicium, id est, quia si fuerit ista subsecutum,
judicium non est temerarium. Subsequuntur
autem illa quae occulta sunt, quae nec ipsa latebunt
tempore suo. Sic et de bonis factis intelligendum est,
nam ita subjungit: Similiter et bona facta manifesta
sunt; et quaecunque aliter se habent, abscondi non
possunt . De manifestis ergo judicemus. De occultis
vero, judicium Deo relinquamus, quia et ipsa abscondi
non possunt, sive bona, sive mala, cum tempus
advenerit quo manifestentur.
27. LANFR. Quorumdam hominum . Causam supponit
cur manus nemini cito sunt imponendae. Judicium
autem vocat concilium, synodum, seu aliquem
locum, in quo fit discussio personarum: Quorumdam ,
inquit, hominum peccata ita manifesta sunt ut
eorum fama vel notitia prius perveniat ad judicium,
quam ipsi infames qui veniant ad ordinandum.
Quosdam autem peccata sua ad judicium subsequuntur;
quia tunc primum manifestantur cum ordinandi
discutiuntur.
28. Aliter se habent . De quibus peccatis hic intelligendum
est, non enim omnia in ipsa discussione
panduntur, plurima namque aliquando latent.
CAP. VI.—1. LANFR. Ne nomen Domini , etc.
Blasphemaretur nomen Dei, et doctrina, si propter
quod humiliari deberent, superbirent, et dominos
contemnerent.
2. Quia fratres sunt . Per hoc videbantur pares
esse servi et domini, quia Christiani utrique, ac
per hoc servi contemnebant dominos.
|
|