Dignum nempe est et saluberrimum, ut sapientia
et religio, que in vestro sanctissimo pectore lucet, fratrum
necessitati subveniat et utilitati provideat.
Fraternitatem vestram
Christus incolumem servet.
Valete!
Vestre quidem pietatis
benignitas, ex quo tempore
nostre persone noticiam habere
dignata est, nos in omnibus
nullo modo iuvare dubitavit,
et quod nostre voluntatis
desiderium fuit, vestre
pietatis clementia fraterno affectu
ad finem perducere libenter
studuit.
Explicit.
F
De singulis igitur modis, fili dulcissime, epistolarum
breviter pertractatis, ad quarum similitudinem plures
poterit componere cor docibile, nunc de modis diversarum
positionum et orationum pauca subnectere studeamus et quandam
viam incipientibus et quasi ianuam aperire
introeuntibus.
Positionum modi sunt diversi; sunt numero septem.
Nam alius fit per similitudinem, alius per comparationem,
alius per conditionem, alius per absolutionem, alius per
coniunctionem, alius per repetitionem, alius per conversionem.
|
|