Massę Bucciniani districtum et placitum cum omnibus suis pertinentiis
vel adiacentiis, ex largitate beati Petri principis apostolorum et sanctę apostolicę
Sedis, cuius ius esse dinoscitur, nostraque apostolica auctoritate concedimus
atque confirmamus perpetualiter mansurum. scilicet ut monachi
prędicti venerabilis cęnobii omni in tempore pro nobis delectent ad Deum
fundere preces, et gloriosissima virgo Maria, cui famulari videntur, dum eos
conspexerit nostro iuvamine quietos, suis sedulis pręcibus apud Deum filiumque
suum sua miseratione nos commendare studeat. si quis autem,
quod non credimus, temerarius extiterit et contra hoc nostrum apostolicum
privilegium venire aut in quoquam dirumpere presumpserit et sicuti superius a
nobis statutum est ita permanere non dimiserit, sciat se, nisi resipuerit, auctoritate
Dei omnipotentis et beatorum apostolorum Petri et Pauli atque nostra
qui eius fungimur vicariatione anathematis vinculo innodatum esse et a regno
Dei alienum. insuper et compositurum se sciat auri optimi libras centum,
medietatem in sacrosancti Lateranensis palatio et medietatem in suprascripto
monasterio. scriptum per manus Petri scriniarii notarii atque regionarii sanctę
Romanę Ecclesię, in mense augusti, indictione .XII. bene valete. Datum
.XV. kalendas augusti per manum Domini gratia Bosonis episcopi et bibliothecarii
sanctę apostolicę Sedis, anno Deo propitio pontificatus domni Benedicti
summi pontificis et universalis papę VIII in sacratissima sede beati
Petri apostoli .III., imperante domno Heinrico a Deo cononato magno
et pacifico imperatore, anno eius primo, [in mense et indictione suprascripta
.XII.].
Incipit privilegium domni Benedicti papę.
Benedictus episcopus servus servorum Dei. dilecto in Christo filio
Hugoni religioso presbitero et monacho atque spirituali abbati venerabilis monasterii
Sanctę Dei genitricis semperque virginis Marię dominę nostrę, siti
a latere montis qui nuncupatur Acutianus super fluvium qui dicitur Pharpha,
tuisque successoribus abbatibus vestreque alme congregationi perenniter
in perpetuum. quotiens illa a nobis tribui sperantur quę rationi incunctanter
conveniunt, animo nos decet libenti concedere et petentium desideriis congruum
impertire suffragium. atque ideo quia petistis a nobis, quatinus pro
omnipotentis Dei amore mercedeque animę nostrę concederemus et confirmaremus
tibi tuisque successoribus in perpetuum, idest monasterium unum
quod est in honore sancti Christi martyris levitę Laurentii [quod] situm [est]
in [loco qui vocatur] Macri, comitatu Campanino, cum casis, hortis, vineis,
terris, campis, pratis, pascuis et silvis, sicuti infra inferius fines continere videntur,
|
|