cum in te sint nulla bona,
cur expecto tua dona?
Vita mundi, res morbosa,
magis fragilis quam rosa,
cum sis semper erumnosa,
cur es michi gratiosa?
Vita mundi, res laboris,
anxia, plena timoris,
cum sis semper in langore,
cur per te sum in labore?
Vita mundi, mors futura,
incessanter ruitura,
cum in brevi sis mansura,
quid est michi de te cura?
Vita mundi, res caduca,
vilior una festuca,
venenosa plus serpente,
quid in mea manes mente?
Vita mundi, res maligna,
ut ameris nunquam digna,
quid putas tibi prodesse,
si me ducas ad non esse?
Vita mundi, res crudelis,
arrogans et infidelis,
quem tu putas maculare,
si compellas me peccare?
Vita mundi, res misella,
scelerum cunctorum cella,
fornicatrix et avara,
cur haberis ita cara?
Vita mundi, pestis dura,
vita mendax et periura,
cum tu sis sine mensura,
quid requiris in me iura?
|
|