XI
In quadragesima
1. Insigne sanctum tempus acceptabile!
Adsunt salutis dies uenerabiles.
Plenis oliuo sponso cum lampadibus
curramus omnes obuiam palmifero,
mundi superbo superato principe.
2. Caste pieque uiuamus et sobrie,
soli tremendo seruientes domino,
de corde puro totisque praecordiis
laudes feramus dei sapientie,
quae nos redemit pretioso sanguine.
3. A paradysi laetabundis gaudiis
nos traxit olim ciborum cupiditas,
portam polorum dulcedo gluttifera
clauserat, alta dispensante gratia,
quae nos reduxit ad caelorum limina.
|
|