Romualdus Salernitanus: Chronicon

Pag 217


Capuano principe, Raydulfo comite Ayrole cognato predicti ducis, cum Conuersanensibus,
Grimoaldo principe Barensi, et aliis baronibus Apulie, contra eum uenit ut eum de
Apulia expelleret. Dux uero Rogerius uir eruditus et sapiens, pugnandi copiam eis prebere
noluit, sed in tutis et munitis locis cum suo exercitu se recipiens, tamdiu eos immorari fecit,
quousque affecti tedio et necessitate compulsi se diuiderent et unusquisque ad propria remearet.
Papa uero uidens se a baronibus derelictum, Beneuentum rediit, quem dux Roggerius
e uestigio prosecutus est, et missis nuntiis cum eo concordatus est, cui liggium hominium
fecit, et iuramentum prestitit, et ab eo in ponte qui est super Sabbatum, per uexillum de
ducatu Apulie inuestitus est. Quo facto Honorius papa Romam rediit, et dux Roggerius
in Siciliam reuersus est. Alio iterum anno in Apuliam uenit, et cum predictis baronibus
et Robberto Capuano principe concordatus est, et Turrim maiorem que est Salerni in sua
potestate recepit.

Torna all'inizio