nostram tuis literis edocturus, cavens, ne de
negligentia secundi mandati valeas
reprehendi.
Cap. 64. 65. 66. desunt in Ms.
Cap. LXIV.
Magistris rationalibus suis, de executione mandatorum
et aliis rationibus sui officii, ab officialibus
exigendis.
Inter accidentium multiplices diversosque
modos, qui regnantes insigniunt, adest
de magis participantibus provida modestia
mandatorum. Nam sive pro mera gratia,
quam aliquibus conferant, vel mixta justitiae
mandata, per literas dirigant ad subjectos motum
interioris hominis [quo medio in actum,
velut de potentia singula prodeunt] literis credita,
metallo vel cera figurata, mandantis species
authorizat. Quantumcunque veruntamen
dominantis exornat mandata modesta directio,
accidit praecipue adesse domini fidelis et diligens
executio eorundem, a quibus tutius creditur,
et minus indecens reputatur quod imperantes
abstineant a mandatis, quam per patientiam
nullius executionis eorum, indebite
vel improvide se eludant. Considerato propterea
verecundiae notam culmini nostrae Majestatis
incurrere, quam regnantes debere prospicimus
quoslibet evitare, dispositionis rectae
materiam in hoc singulis tradimus, dum haereditarium
regnum nostrum Siciliae, parere nobis
in his, sicut in quibuslibet aliis omnium