ambulabant, statim per viam eundo vel parum iacendo moriebantur.
Ob quam rem multi episcopi, archiepiscopi, comites,
marchiones ac duces aliique multi nobiles et ignobiles, qui in
ipso fuerant exercitu, corruerant. Obiit namque dux Fredericus
de Rottemburgo, regis quondam Conradi filius et imperatoris
germanus consobrinus, de quo innumerabilis dolor atque
tristicia per totam fere Ytaliam exolevit, quoniam ipse mirabilis
et homo magne virtutis atque decoris fuerat. Decessit etiam
et tunc dux Guelfus, ducis Guelfi filius. Interiit quidem
Rainaldus, archicancellarius et Colonie electus archiepiscopus,
homo maximi ingenii, et cuius scientia ac probitate imperium
maxime sublimatum fuerat. Episcopus etiam de Leze vita
privatus est.
Iam dictus namque Acerbus cum apud Romam febricitari
cepisset, licentiam domum redeundi cum iam per multas
vices petierat nec impetrare valuerat, [ea] ab imperatore
|
1
5
10
15
|