post unge tubera. Si hoc non rumpit, pulverem ellebori nigri, jusquiami
et tartari suppone; vel flamulam tere et superpone, mane
invenies ampullas; vel, quod melius est, lac titimalli cum pulvere
cantaridarum. Preparata ampullas, appone auripigmentum cum
pice liquida distemperatum et parum coctum, vel pulverem herimodactilorum,
vel pulverem vitreoli. Si cornu supervenerit, ungatur
cum popoleon quousque cadat. Cum volueris reducere carnem,
appone calcucecumenon, deinde pulverem aloes cum rosis vel
apostolicon. Si cicatrix turpis ex mala cura superveniat, appone
saponem yspanum cum pulvere hermodactilorum confectum et fricetur
inde bene. Ad superciliorum tumorem removendum recipe
agaricum, coloquintide interioris, aloe epatici ana ÷ II, sulphuris vivi ÷ IIII,
saponis sarracenici ÷ IIII , succi squille et affodillorum,
III ÷ Ad idem pulvis: recipe piperis nigri Ә II, galla ÷
VIII, enforbii Ә II, flos eris Ә II ; unge prius melle et postea pulverem
superpone. Si supercilia tumuerint, sanguisugas appone et
scufas sub mento et spatulis et superponatur emplastrum de thure,
mastice et cerusa cum albumine ovi. Si depilata fuerint, ladanum
combure et tempera cum melle et inunge loca bis in die. Ad clarificandam
faciem, unge in sero de melle, mane cum aqua calida
lava. Si facies rubescat, fiat sepe minutio cum scufis sub mento:
Abluatur cotidie cum aque rosacea et unguento citrino ungatur. Si
color manuum sit nimium lividus, balneet eas sepe et multum in
aqua in qua decoctum sit semen sulphurace tritum aut mellilotum
aut malva ut caro reducatur. Postea balneentur in decoctione corticis
maligranati et galle; postea ungantur unguento quod fit de
croco et costo pulverizato, et confice cum oleo pulegino aut laurino
et unge mane et sero sepe diu fricando; vel, quod melius est, ungantur
unguento ad salsum flegma; vel excoria eas cum predictis
ruptoriis; vel accipe cantarides et cum sapone nigro pulverem earum
confice et unge faciem cum polvere rose et aliis solidativis.
Si nares stricte fuerint et vene replete, minutio fiat de vena et
in collo cum scufis et abluantur aqua rosacea. Si flegma eas opilaverit,
purgetur caput cum pillulis diacastoreis et fiant tente de
oxiracroceo cum polvere aluminis et imponantur usque ad profundum
et sint ibi assidue. Si fuerit ulcera intus, ungantur unguento
albo intus cum digito et imponimus oxiracroceum predicto
modo; post inungimus cum unguento facto de citromilo: accipe
citromilum, coque bene in aqua et tere et succum exprime et
in vitreo vaso permitte residere, et quod liquidum fuerit superius
accipe, et admisce terebentinam, et quousque fiat in modum unguenti
et eo unge intus nares cum digito bis in die, et interdum
ablue cum aqua rosacea vel aqua in qua cocte sint rose. Si affnerit
membrorum dormitacio, unge calidis unguentis, sicut arrogon,
marciaton. oleo sinapismo et similibus; mox tunc curantur. Dieta
sit levis, facile digestibilis, ut pulli, galline, juvenes capreoli, extremitates
porcorum, perdices, avicule, fasiani, ova sorbilia et
clixa; legumina fugiant: comedatit borraginem, feniculum, petroselinum,
|
|