spiritalia comparantes . Et ad hec quis ydoneus? Utique
non ego, qui non aliter quam venerando credere iota unum
aut unum ex his apicem presumo discutere. Animales vero
forensia multifarie perscrutantur carnalibus carnalia conferentes.
Inter quos velut densas ac frondosas tenebrosi
nemoris arbores verecundissime latitans, fidei tamen servus
catholice videri erubesco, scientia utpote nudus, paucis
admodum litteris velut tenuissimis aranee filis leviter
superindutus. Preterea cum iam in dicto presentis evi
nemore tam diversa novarum cotidie rerum erumpant folia,
miror tot ac tam disertos vel uni eorum non insufflare
scriptores. Nullis enim retro temporibus talis ac tanta
scribendi fuit occasio doctis pariter et indoctis . Hec animo
|
|