serenum bene fuerat, statim in uno oculi momento valde
pluere cepit, quod omne bonum omnibus reputandum est.
Pluvia vero recedente imperator cum quodam vexillo Laudensium
consules qui tunc preerant — videlicet Rafium Morenam
et Archembaldum de Summariva et Lotterium de Abbonis
aliosque eorum socios — de terra, in qua nunc edificata
est ipsa Laudensis nova civitas, ad proprium investivit.
Fueruntque termini ipsius sic constituti: videlicet a costa,
que dicitur nunc Sancti Vincencii, ab Adua usque ibi, ubi
inceptum est fossatum porte Imperialis, supra paludem et
ab ipsa palude, sicut vadit predictum fossatum, usque in
aliam paludem, que est versus Silvam Grecam, supra costam
ipsius paludis; et item sicuti vadit ipsa costa ab ipso fossato
usque in Aduam; et item sicut vadit fossatum a costa palacii
imperatoris usque in Adue flumen versus mane. Hoc itaque
sic peracto imperator et Laudenses cum magno gaudio magnaque
leticia ad castra remeaverunt.
|
1
5
10
15
|