nos iurisdicioni camere domini pape et ipsios camere auditoris,
et ipsas cc marcas expendendi pro nostris et ecclesie
nostre negociis ibidem expediendis qualitercumque eis
vel alicui eorum honestius et utilius erit visum, et generaliter
omnia et singula faciendi et exercendi tam in iudicio
quam extra que ipsemet facere et exercere posset, etiam
si mandatum exigerent speciale, nec non promittentes
nos firmum et ratum perpetuis temporibus habituros
quidquid per dictos nostros procuratores vel aliquem
eorum substitutum vel substitutos ab eis vel ipsorum altero
promissum factum vel qualitercumque procuratum fuerit
in promissis et quolibet premissorum, sub obligacione
nostrorum omnium bonorum.
Insuper volentes dictos procuratores nostros et
quemlibet eorum substitutum vel substitutos ab eis vel
ab ipsorum aliquo relevare ab onere satisdandi, promittimus
iudicio sisti et iudicatum solvi in omnibus suis
clausulis sub ypotheca rerum nostrarum.
In cuius rei testimonium sigillum nostrum presentibus
iussimus apponendum.
Datum in tali loco, vi idus octobres, anno domini a
nativitate m°. cc°. lxxxi, indictione nona.
g. Substitucio procuratoris.
Magister P de Bononia, procurator reverendi patris
et domini N dei gracia cantuariensis archyepiscopi tocios
Anglie primatis, habens potestatem ab eo substituendi
alium loco sui, substituit magistrum I de Viterbio
presentem et suscipientem loco sui procuratorem ad
|
|