loco vobis dare et restaurare obligamus. si autem ego vel
posteri mei successores, aut pars nostri monasterii per qualecumque
ingenium hanc commutacione[m] dirrumpere, aut retornare quesierimus,
septingentos bizanteos solidos pena me et successores meos
vobis, cui super domno Godelperto almifico abbati, et vestris
successoribus, et ad partem iam fati vestri cenobii componere obligamus,
et hec commutacio, qualiter secundum legem stare potest,
firma permaneat in perpetuum. Et taliter ego, qui supra Iohannes
abbas, cum consensu fratrum, et subscripcione monachorum, et
erga mecum habendo suprascriptum abbocatorem meum feci, et
te Sichebertum clericum et notarium scribere rogavi.
[.....] Actum Capue [.....].
ACCEPIT eciam preceptum venerabilis pater Godelpertus ab
eisdem principibus de ipsa presa de ipso Castellone, quam
prius contulerant super Vulturnum fluvium huiusmodi.
IN nomine domini nostri Iesu Christi. Landulfus et Atenulfus
divina misericordia largiente Longobardorum principes. Noverit
omnium fidelium nostrorum presencium scilicet ac futurorum
sollercia, quia quamvis monasterium Sancti Vincencii habet presam
suam intus hanc Capuanam civitatem, ubi fundatum esse videtur,
tamen non erat apta habitacio ipsa abbati et monachis eiusdem cenobii.
at ubi hoc ad nostram noticiam pervenit, convocatis episcopis
|
|