usque occidentem: nunc dicitur Nichopolis et est unum casale seu villa.
De Emaus versus meridiem ad V miliaria. est vallis Terebinti. ubi David
in funda et lapide interfecit Goliath Philistenum. ut legitur primo
Regum. XVij capitulo.
De valle Terebinti ad sex miliaria. est Aceda et Macheda. opida seu
ville. quas cepit Josue. et est ibi spelunca. in qua absconderunt se
quinque reges. quos interfecit Josue. et est ultra Gabaon veniendo de
Hebron ad Gabaon.
De Emaus versus meridiem et occidentem ad Xji miliaria est mons Modyn.
unde orti sunt Machabei: est altissimus mons. qui videtur longe
multum. ut legitur libro Machabeorum: et isti Machabei modicum fuerunt
ante tempora Cristi. et multa bella commiserunt et multas victorias fecerunt.
et sepulchra corum sunt in Modyn pulchra valde. et videntur valde longe.
De monte Modyn ad X miliaria versus terram Philistinorum. est Bethsames
Juda. ad dextram alterius Bethsames: et ad quinque miliaria.
est civitas Cariathiarim. distans a Jherosolyma per XV miliaria versus
Philistim. et ibi stetit archa Dei aliquo tempore. ut habetur primo libro
Paralipomenon Xiijº capitulo.
Et nota quod Modyn. Cariathiarim. Gabaon. Gabaa et cetera civitates et
castra. que erant munita et forcia tempore David et aliorum regum
Irael et tempore Machabeorum. omnia sunt nunc dejecta. videlicet turres et
muri et omnes municiones: et ideo non apparent civitates. sed sunt omnes
sicut ville et casalia. in quibus habitant Saraceni. laborantes et colentes
terram. viventes pauperiem. vitam miseram ducentes. Et ideo. si aliquis
peregrinus vellet inquirere civitates et castra antiqua in Terra Sancta. non
posset invenire unum [nisi] per aliquam bonum ductorem cognoscentem
terras. vel per aliquem Judeum habitantem in illis partibus. cum Judei sciant
optime omnia loca antiqua demonstracione. cum sint optime instructi in
lege sua et de locis a suis patribus et doctoribus. et ideo. quum volui inquirere
loca ultramarina. frequenter et sepissime interrogavi a Judeis ibidem
habitantibus et bonum ductorem habui.