implorare; Nos vestris piis desideriis,
et justis postlationibus inclinati,
universis, qui ad Ecclesiam vestram in die
transationis corporis Sancti Clementis Papae et
Martyris, quod, sicut in antiquis scriptis
habetur, in eadem Ecclesia requiescit, devota
mente concurrerint, et ibidem vobiscum
in ejusdem gloriosi Martyris veneratione
vota laudis et placationis exsolverint, id
ex parte omnipotentis Dei, et auctoritate
Apostolorum Petri et Pauli ac nostra in suorum
remissionem injungimus peccatorum.
Datum Verularum Quinto Calendas Maji. ”
Ipse namque Abbas instituit et sestum Inventionis
ejusdem Martyris tertio Calendas Januarii
recolendum, suprascripto Fratre Joanne
Berardi suggerente atque rogante. Similiter
fecit de sesto Cathedrae ejusdem Gloriosi Pontificis,
ut decimo Calendas Februarii celebretur.
In Marchiam Firmanam quosdam Fratres
ad possessiones Beati Clementis delegavit,
indeque pensiones et census recepit. Ad Commarchianos
Episcopos literas Apostolicas impetravit
ad recuperandas possessiones juris Beati
Clementis. Textus vero epistolarum quas ab
Apostolica Sede, et a regali Curia super rationibus
Sancti Clementis, et rebus praedictis acquisivit,
in hoc instrumentali volumine scriptae
reperiuntur hoc modo:
SE N T E N T I A
In Clericos de Terra Sansonesca
“ Alexander Episcopus servus servorum
Dei, venerabilibus Fratribus Pinnensi
et Valvensi Episcopis, salutem et Apostolicam
benedictionem. Ex parte dilecti
filii nostri Leonatis Abbatis Sancti Clementis de
Piscaria nobis innotuit, quod cum in Clericos
suos de Castellione interdicti sententiam
pro suis excessibus promulgasset ipsi
nihilominus post interdicti sententiam cantare
praesumpserunt: quare ipsos cum divina
officia celebrare non omiseririt, excommunicationis
vinculo innodavit. Quia vero
Ecclesiastica sententia, quae in malefactores
aliquos rationabiliter promulgatur, rata debet
et firma consistere, Fraternitati vestrae
per Apostotica scripta praecipiendo mandamus,
quatenus si ita est, praefatos Clericos
publice accensis candelis per Episcopatus
vestris excommunicatos denuntiari, et sicut
excomunicatos faciatis ab omnibus cautius
evitari, donec ad mandatum, et obedientiam
praedicti Abbatis revertantur, et ei
congrue satisfaciant, et cum literis vestris
Apostolico se conspectui repraesentent.
Datum Ferenti quarto nonas Aprilis. ”
SENTENTIA
Contra Clericos de Terra Sansonesca.
“ Alexander Episcopus servus servorum
Dei, dilecto filio Leonati Abbati Sancti
Clementis de Piscaria, salutem et Apostolicam
benedictionem. Nuntium et literas
tuas debita mentis alacritate recepimus, et
comperta solicitudine, quam de statu nostro
et Ecclesiae tanquam devotus et specialis
filius habere dignosceris, affectioni tuae
praesentibus literis significamus, quod nos, et
|
|