10. De febre.
Quando vides pedem falchonis calidum, febrem habet.
Si vis medicare, accipe de aloe et assungiam galline et
mitte hec omnia in forti aceto et da ei comedere. Et si hoc
pastu utitur, sanabitur. [Et in alio die accipe bixiam scutellariam
et da ei ad manducandum. Si tenet illud pastum,
sanus est.]
11. Quando habet lapidem in magone.
Quando vides quod ipse accipit carnem cum rostro et
statim eam proicit, tunc habet lapidem in magone. Sic
medicare opportet: .Accipe passeres et gariofores et trita et
misce pulverem de garioforis cum passere et da ei comedere.
Et in alio die da ei pupionem. Et si utetur, sanabitur.
|
|