Nicolaus de Rocca senior: Epistolae

Pag 45


Nuper ad audientiam celsitudinis nostre pervenit, quod cum fratrem
… de … devotum nostrum, quem grata nobis Ordinis sui religio et
experta sue probitatis sufficientia commendabant, pridem in curia nostra
pro quibusdam servitiis, personam suam non sine causa poscentibus,
nobiscum aliquo tempore iusserimus moraturum, aliquorum fratrum
ipsius Ordinis effrenis oblocutionis incauta et utinam non mordacis
livoris seducta licentia, fratrem eundem propterea, quem cariorem ex hoc
habuisse debuerat, impudenter diffamasse videtur. Cumque huiusmodi
verba, non minus nostri honoris iniuriam, quam fratris eiusdem detrimenta
contingant, devotionem tuam rogamus et hortamur attente,
mandantes quatenus diligenti super hoc cura prehabita, fratres omnes,
quos propter hoc ad fratris eiusdem infamiam temere prorupisse compereris,
debita disciplina castigans, eorum etiam lubrica labia silentii

Torna all'inizio