plerisque etiam captis, tandem Mediolanenses resistere
non valentes terga verterunt. Super quos Teutonici et Cremonenses
atque Laudenses acriter irruentes maximamque ipsorum
copiam capientes a magno robore usque intus de predicta
pusterla de porta Tosa reliquos omnes fugaverunt. Plerique
etiam ex ipsis ultra fossatum intus per ipsam portam pugnando
maxima vi intraverunt; sed ibi stare non valentes
foras redierunt. Mediolanenses namque tunc fugientes cum
pre multitudine fugientium per ipsam portam redire non
valuerunt, maxima eorum copia in fossatis ab utraque parte
pontis se, unus super alium cadens, precipitaverunt, ita etiam
quod plerique in aqua ipsius fossati usque ad tolimen repentes
ab his, qui supra ipsum fossatum fuerant, adiuvabantur
ac intus extrahebantur.
Insuper etiam Mediolanenses alio quodam die per portam,
que per medium arcum Romanum fuerat, armati exeuntes,
Teutonici cum Laudensibus obviam fuere maximumque prelium
cum ipsis iniere. In quo multi Laudenses, videlicet
Ioannes Iudeus et Petracius de la Pusterla aliique etiam
plerique, fere usque ad mortem vulnerati fuere; Ugo etiam
|
1
5
10
15
20
|