Meritavere idem Cato ait pro meruere.
Magnificius idem ipse pro magnificentius dixit, et non frustra.
Nam positivus eius magnifice est.
Munificior a munifico identidem Cato (orat. inc. 8) dixit,
cum nunc munuficentior dicamus, quamvis munificens non
sit in usu.
Mediocriculus ipse, qui supra, posuit cum ait (orat. 1,12):
“Ridibundum magistratum, pauculos homines, mediocriculum
exercitum obviam duci.”
Mutini Titini sacellum Romae fuit cui mulieres velatae
togis praetextatis solebant sacrificare.
Matronae a magistratibus non summovebantur, ne pulsari
contrectarique viderentur, neve gravidae concuterentur. Sed
nec viri earum sedentes cum uxoribus in vehiculo descendere
cogebantur.
|
|